Marrja e informacionit në terren
Në kuadër të projektit “Së bashku-Një sy për Mjedisin” pjesë e programit SENIOR II-REC Shqiperi, mbështetur financiarisht nga Ambasada Suedeze, u mbyll faza e terrenit në qytetin e Beratit- Mbledhja e informacionit mbi Energjinë. Ky informacion është marrë në familje beratase si dhe institucione locale. Më poshtë do të gjeni ekzaktësisht vendndodhjen e informacionit. Për më tepër na ndiqni në vijimësi në faqen tonë në facebook: https://www.facebook.com/FSEW.BERAT/
Raport Vlerësues mbi Parkun Kombëtar të Tomorrit
Ky raport vlerësues mbi vlerat ekologjike, floristike, gjeologjike vjen pas një pune të gjatë kërkimore e vlerësuese i doktorave të shkencës: Zj Ermelinda Mahmutaj- Biologe, Z Ton Deda- doktor shkencash në fushën e gjeologjisë, Z Fatos Nako- Inxhinier pyjesh e drejtor i Administratës Rajonale të Zonave të Mbrojtura në Berat, si dhe projektit të zbatuar nga organizata “Për Mirëqënie Sociale e Mjedisore” Berat (PMSM).
Ai ka si qellim kryesor dhënien e informacionit tregues mbi pasuritë që mbart mali i Tomorrit në aspektin floristik, gjografik, gjeo-morfologjik, hidro-logjik etj, por edhe për problematikat që sjell shfrytëzimi i gurit e pllakave gëlqerore, cënimin ekosistemeve, rezervave ujore si dhe aspektin menaxherial të Zonës së Mbrojtur.
Raporti identifikon vlerat e pasuritë natyrore e kësaj zone, por përtej kësaj jep edhe arsyet përse organizata ka ndërmarrë këtë projekt kundër krimit mjedisor, si i pari projekt që realizohet nga organizatat e shoqërisë civile e targetuar në malin e Tomorrit.
Gjthashtu në material jepen edhe rekomandime për institucionet monitoruese e ligjzbatuese, të cilat kanë bashkëpunuar përgjatë zbatimit të këtij projekti në qytetin e Beratit duke e lehtësuar zhvillimin e tij.
Organizata nëpërmjet këtij projekti ka dhënë mesazhin që njohja e vlerave mjedisore, edukimi i brezave me luftën kundër krimit mjedisor, rritja e kapaciteteve të vetë inspektorëve mjedisor, con në reduktim e krimit mjedisor.
Në kuadër të kësaj përpjekje urojmë që ky raport të jetë i vlefshëm jo vetëm për institucionet shtetërorë por edhe për cdo qytetar të thjeshtë, student apo nxënës që është i shqetësuar për mjedisin, pasuritë e tij.
Read More »Berat, tryezë e rrumbullakët për krimin mjedisor
Në qytetin e Beratit, në datën 15 mars 207, u zhvillua tryeza e rrumbullakët në kuadër të projektit “Ulja e Krimit Mjedisor nëpërmjet rritjes së kapaciteteve të agjensive ligjzbatuese, në Parkun Kombëtar të Tomorrit”, financuar nga Bashkimi Evropian si pjesë e programit ACHIVE, të zbatuar nga REC Shqipëri.
Read More »Fuqizimi i shoqërisë civile në vendimmarrje
Botuar nga Organizata “Për Mirëqënie Sociale dhe Mjedisore” – (FSEW) Berat me 31 Mars 2017.
Pjesëmarrja qytetare është një term përcaktues për fuqinë e qytetarëve, duke qenë se ajo shkon përtej thjesht rolit vëzhgues dhe pjesëmmarjes joaktive, por sepse publiku është një aktor aktiv që ka fuqinë të ndryshojë dhe të influencojë mënyrën sesi menaxhohen çështjet publike.
Read More »Fushatë promocionale në kuadër të projektit “Ulja e Krimit mjedisor në Parkun Kombëtar të Tomorrit”
Fushatë promocionale në kuadër të projektit “Ulja e Krimit mjedisor në Parkun Kombëtar të Tomorrit” që zbaton organizata “Për Mirëqënie Sociale dhe Mjedisore” si pjesë e programit ACHIEVE – Qendra Rajonale e Mjedisit REC Shqipëri, financuar nga Bashkimi Evropian.
Përfshirja e angazhimi i vullnetarëve tëorganizatës në mesazhe promocionale, në luftën kundër Krimit Mjedisor, i filluar më datë 27 Janar 2016, shërbeu si rifillim i mesazheve promocionale që organizata „Për Mirëqënie Socile dhe Mjedisore“- Berat po jep për publikun beratas, kundër Krimit Mjedisor .
Denoncime publike mbi dëmet në mjedis-Berat
Rastet denoncuese te demtimit te mjedisit ne Berat. behen protagonistet e bashkebisedimeve te perfaqesuesve te organizates “Per Mireqenie Sociale dhe Mjedisore” dhe Bashkise Berat, AdZM, ISHMP.
Denoncime publike ne Berat, mbi demtime te renda ne mjedis
Zhvillohet trajnimi me temë: “Youngsters awareness on Environment Crime”
Mbyllet ne Berat takimi i filluar më datë 23 Nëntor 2016 me të rinjtë e Qendrës Rinore Berat. Duke parë interesin e madh të të rinjve në Pallatin e Kulturës, seminari u vazhdua më datë 30.11.2016, në ambjentet e hapura të shkollave kryesore të mesme të qytetit.
Tematika e takimit ishte informues për të rinjtë e moshave 16-18 vjeç, mbi përkufizimin e Krimit Mjedisor, njohjen me Legjislacionin i cili mbështet luftën kundër Krimit Mjedisor, forcimin e legjislacionit Horizontal dhe Promovimi i OSHCve. Kjo e fundit u realizua nga një bashkëpunim e prezencë të organizatës Milieukontakt përfaqësuese e të cilës ishte Znj. Rezarta Ago. Të ftuar ishin edhe përfaqësues të Bashkisë, DAR-Berat, mësues e përfaqësues të Avokatit të Popullit dhe të OJF-ve në Berat.
Në takimet informuese të organizuara mëdatë 30 Nëntor në ambjentet e dy shkollave të mesme : “Bab Dud Karbunara” dhe “Kristaq Capo”, ku morrën pjesë më shumë se 120 nxënës të viteve të larta, pati një interest të madh për të njohur e diskutuar raste konkrete në lidhje me denoncimet që ata sillnin si shembuj ilustrues. Në këtë takim organizata prezantoi rastin e Krimit Mjedisor të ndodhur në malin e Tomorrit (nëpërmjet videos së përgatitur) si dhe rastin e përcjellë nga qytetarët mbi ndotjen masive të lumit Osum, nga mbetjet urbane.
Duke e vënë veten në rolin e një gazetar terreni, nxënësit ndërtuan lajmin denoncues, informues e sensibilizues, duke zhvilluar edhe një mini-konkurs midis tyre. Gazetarja Znj. Erjola Azizolli dha mendimin e saj në lidhje me mënyrën profesionale të shkrimit të lajmit, për të përcjellë sa më mirë atë që duam të shprehim për publikun e gjerë.
Prania e Znj. Arsiola Dyrmishi, me njohuritë e saj juridike idha edhe tempin e duhur pritshmërive të nxënësve, për të mësuar më shumë mbi Legjislacionin Kombëtar e Ndërkombëtar si dhe Konventat e aktet ligjore që përcjellin informacion mjedisor.
Këto takime janë realizuar nga organizata, si pjesë e programit #ACHIEVE- REC Shqipëri, mbështetur financiarisht nga Bashkimi Evropian.
Zhvillohet trajnimi “Njohja e Legjislacionit Mjedisor, Krimi Mjedisor”
Organizata ”Për Mirëqenie Sociale dhe Mjedisore” zhvilloi trajnimin “Njohja e Legjislacionit Mjedisor, Krimi Mjedisor”, si pjesë e programit #ACHIEVE të zbatuar nga REC Shqipëri dhe mbështetur financiarisht nga European Union in Albania.
Me qëllim rritjen e ndërgjegjësimit mbi Legjilacionin Mjedisor, Krimin Mjedisor, Ligjet Nderkombëtare e vendase ku mbështetet e drejta mjedisore, në trajnim morën pjesë përfaqësues të institucioneve, përfaqësues të shoqërisë civile, Qendra Rinore Berat, Shkolla e mesme “Kristaq Capo”, Drejtori Arsimore dhe Bashki
“Trajnim mbi rritjen e kapaciteteve të Uniformave Blu në Urën Vajgurore, Berat”
Bazuar në kalendarin e aktiviteteve të organizatës “Për Mirëqënie Sociale dhe Mjedisore” Berat, pjesë e paketës së punës së projektit : “Ulja e krimit mjedisor nëpërmjet rritjes së kapaciteteve të agjencive ligjzbatuese, në Parkun Kombëtar të Tomorrit”, si pjesë e programit ACHIEVE – REC Shqipëri, financuar nga Bashkimi Evropian, stafi i organizatës organizoi në Urën Vajgurore, me forcat e rendit të Urës dhe Kuçovës trajnimin: “Rritja e kapaciteteve të Uniformave Blu, në luftën kundër Krimit Mjedisor” .
Të pranishmëve në këtë aktivitet, iu prezantuan në mënyrë profesionale, njohuri juridike, njohuri mbi Ligjet mjedisore dhe Legjislacionit Mjedisor vendas e ndërkombëtar nga juristja e organizatës Znj. Arsiola Dyrmishi dhe menaxherja e projektit Zn.j Erjola Azizolli. Në trajnim morrën pjesë rreth 11 përfaqësues të forcave të rendit si komisar policie të Kuçovës, Urës Vajgurore, shefa policie dhe sekretare të komisariateve.
Duke qenë se që në fillimet e punës së saj, kjo organizatë, nëpërmjet këtij projekti ka synuar rritjen e kapaciteteve të forcimit të ligjit në Parkun Kombëtar të Tomorrit, në mënyrë që të ulet sadopak shpeshtësia e krimit mjedisor në të si dhe forcimin e rrjetit rajonal të inspektorëve të mjedisit, leje-lëshuesve, forcave të rendit, agjencive ligjzbatuese e monitoruese për të luftuar krimin mjedisor, ne kemi ndërmarrë që prej muajit shtator këtë cikël trajnimesh, të ndërthurrur edhe me sensibilizim direkt në zonat e prekura si: Vërtop, Roshnik, Bogovë duke shpërndarë postera që informojnë publikun mbi mënyrën e re të denonocimit të Krimit Mjedisor, nëpërmjet aplikacionit të ri në faqen e organizatës : www.natyraberat.org.
Gjatë këtij trajnimi të zhvilluar, u diskutua kuadri ligjor Evropian në mbrojtjen e Mjedisit. I krahasuar me kuadrin ligjor shqiptar si dhe mbi figurat e veçanta të veprave penale në kreun IV të KPRSH si dhe nevojën e për përmirësim të këtyre dispozitave me qëllim harmonizimin me Legjislacionin Evropian, por edhe si përgjigje efikase ndaj krimit mjedisor.
Nga inspektorët e policisë u diskutua mbi guroret në zonën e Urës Vajgurore dhe problematikën e krimit mjedisor të krijuar për shkak të tyre. Gjithashtu u diskutua fakti që problematika qëndron në vështirësinë për të provuar ndotjen mjedisore, ndërkohë që subjektet që operojnë janë të pajisur me dokumentacion nga ministria e linjës.
Inspektorët e policisë u shprehën se ky trajnim ishte i domosdoshëm duke qënë se të gjithë aktorët institucionalë duhet të marrin përgjegjësitë si dhe të kryejnë detyrat funksionale në zbatim të ligjit në mënyrë që krimi mjedisor të parandalohet, ose të ndëshkohet në rastet kur qasja parandaluese dështon.
Për organizatën “Për Mirëqënie Sociale dhe Mjedisore” Berat
Arsiola DYRMISHI
Jurist,National Food Authority
PhD Candidate in Public Law
Contact: 00355684600263
Read More »
Seminar me uniformat blu Drejtorisë së Policisë Rajonale të Qarkut Berat
Në qytetin e Beratit, më datë 18/10/2016, në sallën e mbledhjeve të Drejtorisë së Policisë Rajonale të Qarkut Berat u organizua një seminar në kuadër të ciklit të trajnimeve: “Rritja e kapaciteteve të agjencive ligjzbatuese, që monitorojnë e mbrojnë mjedisin, në luftën kundër Krimit Mjedisor”.
Read More »